Beredskapsvenn er årets ord
, Nyhet
– Årets ord 2024 minner oss om at vi står sterkare saman enn kvar for oss, skriv Språkrådet. «Beredskapsvenn» står sentralt i DSB si kommunikasjon for å styrkje folk sin eigenberedskap.
Hausten 2024 fekk alle husstandar ein brosjyre frå styresmaktene i posten med råd om korleis vi innbyggjarar kan klare oss sjølve i ei veke dersom ei krise råkar oss. Eitt av råda er å skaffe seg ein beredskapsvenn.
– Eg synest det er stor stas at Språkrådet har valt «Beredskapsvenn» som årets ord, seier Elisabeth Aarsæther, direktør i DSB. – Det bidreg til merksemd om eit ord DSB meiner er viktig og inneheld mykje; både om den situasjonen verda og Noreg står i, og om korleis vi kan samarbeide og hjelpe kvarandre.
Samarbeid og fellesskap er ein stor ressurs i kriser. DSB oppmodar derfor alle til å snakke med dei rundt seg om kva som kan skje, korleis de kan bli råka, og korleis de kan klare dykk saman.
>> Les meir om felles eigenberedskap og beredskapsven på sikkerhverdag.no